Home » Artikler » Gjetarhundkurs Rosendal 19. og 20. mars 2011

Gjetarhundkurs Rosendal 19. og 20. mars 2011

26, mar 2011 by evelyn

Kurset var fulltegna og 30 kursdeltakarar og 9 instruktørar møtte klare til læring i strålande vår-vær på laurdagen.
Det vart delt opp i fem grupper etter kor langt hund og førar var komme i treninga.

Kursområdet ved avlsgarden i Rosendal har store flotte jorder med god plass til alle gruppene.
Sauene var spreke og det var nok fleire slitne hundar og eigarar når dagen var omme.

(klikker du på bildet blir det større)

Om kvelden var det god mat og hyggelig drøs på Rosendal fjordhotell.
Søndagen vakna me til litt vind, men opphaldsvær og gode treningsforhold.
Under lunsjen vart det tatt opp ulike problemstillingar og mulige løysingar på desse.

Me har veldig flinke instruktørar som stiller opp og deler sin kunnskap til kursdeltakarane som etter ei flott helg kunne reise heim med ny inspirasjon til trening.

Me i gjetarhundnemnda håpar alle hadde god nytte av kurset og fekk gode tips til vidare trening heime.